Aizawl: Central sawrkar chuan ram chhunga hmeichhiate pawngsual, thah leh tih nawmnah ven nan phone reng reng ah tul thut a hmeh tur tanpuitu koh nan ‘panic button’ dah vek tur leh smartphone-a Global Positioning System [GPS] dah vek tura thuchhuah a siam chuan mi retheite harsatna a thlen rin a nih avangin inhnialna a ti tam hle a. Zoram chhunga phone distri- butor lam chuan company atangin hetiang thu hi an la dawn loh thu Zalen zawhna chhangin an hrilh . January, 2017 atang chuan smartphone reng reng panic button awm lo chu hralh chhuah khap a ni dawn niin Sawrkar thuchuah chuan a tarlang. Kum 4 kaltaa Delhi a zirlai pawngsual rawn a nih atanga hmeichhia te him zawkna tur a hmalakna kal zel a ni a, Mizoram IT Department Secretary chuan Central atanga operation rules an rawn siam chuan Mizoramin a hman ve mai tur thu leh Network Operator te an pawimawh tur thu a sawi a, control room te siam a ngai ang a, hmeichhiate pawhin an chhawr tangkai ngei a rin thu a sawi a, tun dinhmun ah chuan Central lam atangin eng mah thu an la dawn loh avangin hmalakna hranpa a la awm loh thu a sawi bawk a ni. Mizoram Police pawhin he thuchhuah ah hriattirna an la dawnglo niin Zalen an hrilh a ni. Central Sorkar chuan January 1, 2018 atangin smartphone reng reng Global Positioning System (GPS) nei lo chu hralh chhuah a khap dawn bawk a, hei hi phone neitu awmna hmun satellite-a hriat zung zung theihna niin thulakna chuan a sawi.