DOWNLOAD OUR APP

Read latest news on your phone
app-store
Paris kal tur Liverpool
May 04, 2022

Nizan zanlaiah Champions League final lut tur zawnna hmasa zawk neih a ni a, inkhelh hmuhnawm takah Villarreal chu 2-3 a hnehin Liverpool-in final an lut a, aggregate-ah 2-5 niin May ni 28-ah Real Madrid emaw Manchester City nen Paris-a final khel turin lungmuang takin an awm thei ta phawt. Tun season-a trophy pali (quadruple) an beiseina pawh a la nung zel rih e. 

Reds lam hian first leg-ah nuamsa takin Villarreal hi 2-0-in an lo hneh tawh a, mahse nizan inkhelh kha minute 41-naah ham tawp ta thut se, Liverpool ni lovin Spanish club zawk hian final an lut zawk daih thei. Minute hnihna lekah Villarreal tan Boulaye Dia chuan goal a thun nghal der a, he goal hi Etienne Capoue-a siam sak a ni. Minute 40-naah Capoue-a bawkin ball changin a cross chu Arsenal midfielder hlui Francis Coquelin chuan mawi takin a lo tauh lut ve leh a, Villarreal lamin 2-0 in hma an hruai a, Reds lam an hawi hai. Goal luh belh lovin first-half an hmang zo. 

Klopp-a leh a nau ten final lut turin inkhelh hmabak minute 45 chu tangkai taka hman a ngai tih an hai lo. Second-half minute 61-naah Fabinho a rawn lang a, Reds tana goal pawimawh a rawn thun. A goal shot mawi tak chu Villarreal goalkeeper Geronimo Rulli tan dan ngaihna a awm lo. Half time laiin Liverpool lamin substitution an siam a, Diogo Jota aiah Luis Diaz dah luh a ni. Diaz an dah lut hi an tisual lo, minute 66-ah mawi takin Reds tana goal hnihna a rawn tauh lut ve leh. Liverpool lam tan a thlamuan thlak tan.

Season nga chhunga Champions League final an luh vawi thumna tichiang turin Sadio Mane a rawn che ve leh a, minute 73-naah an goal thumna a rawn thun ve leh. He inkhelhah hian hun tawp lamah Capoue chu yellow card vawi hnih a hmuh vangin hnawhchhuah a ni a, Villarreal lam hian player 10-in an khel tluan. 

Line-ups

Villarreal XI: Albiol, Capoue, Parejo, Coquelin, G. Rulli, G. Moreno, Lo Celso, P. Estupiñán, P. Torres, Foyth, B. Dia
Subs: Asenjo, Iborra, Gaspar, Mandi, Aurier, Alcacer, Moi Gómez, Trigueros, R.Peña, Pedraza, S. Chukwueze, F. Jörgensen

Liverpool XI: Thiago, Alisson, Salah, Van Dijk, Mane, Fabinho, Robertson, Naby Keita, Jota, Alexander-Arnold, Konate
Subs: Milner, Henderson, Matip, Oxlade-Chamberlain, Minamino, Origi, Joe Gomez, Tsimikas, Kelleher, L. Díaz, Curtis Jones, Elliott

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh