Aizawl October 4, 2023 : Vawiin khan Vanapa Hall-ah MNF chuan MLA General Election 2023 atana Candidate puanna leh Campaign Kick-Off neih a ni a, he hunah hian Zoramthanga MNF President chuan candidate tha tak tak puanna hun an nei chu lawmawm a tih thu a sawi a, party thenkhat ten candidate an inchuh laiin anni chuan Pathian tanpuina in Candidate an set fel thei niin a sawi bawk.

MNF President chuan, "Candidate kan set tha tak tak te hi mipuiten lo tawiawm theuh turin leh lo support theuh turin kan sawm che u a. Pathian leh mipui te zarah sawrkarna kan la ngei ang," a ti.

Zoramthanga chuan, MNF chu a din tirh atangin rinawm takin a dinna ngaiah kum 60 chuang nghet taka ding tlat anih thu leh dinhmun sawh sawn ve mai mai ngailo party a nih thu a sawi a. Harsatna tam tak paltlanga Pathianin a hruai chhuah tawh MNF Party chu Mizoram-in a tawh mek harsatna period atangin Pathianin min hruai chhuak dawn a, malsawmna period-ah, hunin a finfiah tawh MNF Party hi Pathian leh mipui zarah Mizoram hmasawnna nasa zawk thlentir turin Pathianin a sawrkar tir leh ngei dawn niin a sawi.

MNF President chuan, "MNF opponent lian ber Congress chu an term a tawp thawkhat tawh a, central leh state-ah an tlahniam hle a, inthlan dawt lehah an dinna tur bialah pawisa dah kham dawn ta ila, kan dah huai ngam lo khawp ang ; artelukawn thei dinhmunah an awm mek a ni," a ti.

MNF Sr. Vice President Tawnluia pawhin inlawmna thu sawiin, "MNF hi hnam party a ni a, Pu Denga hova din niin Kum 60 hmel pawh kan hmu a, kan changvawn 'Thenkhatin tawlailirte an ring a, thenkhatin sakawr te an ring. Keini erawh chuan Lalpa kan Pathian hming chu kan lam zawk ang (Sam 20:7)' hi kan rin tlat avangin Pathianin min hruai zel a ni," a ti.

MNF Sr.Vice President chuan, "Pu Zoramthanga hi kan ring tawk a, tute emaw sawrkar tum ang mai mai in leader hrang hrang kan nei ve lo a. MNF sawrkar hi kan sawrkar chhung in hun harsa tak tak kan tawk a, hmalakna pawh kan theih ang tawk in a tha a ni, a ti a. MNF hi Mizote luah chin ram, hnam leh sakhaw himna tura huaisen taka hmala thin a ni a, Mizo hnamin harsatna a tawh apianga sorkarna chang tura thlanawm ber party, dinna nghet tak nei a ni' a ti.

MNF OFFICIAL CANDIDATE FOR 2023 GENERAL ELECTION*

1. HACHHEK : ROBERT ROMAWIA ROYTE

2. DAMPA : LALRINTLUANGA SAILO

3. MAMIT : Er H LALZIRLIANA

4. TUIRIAL : K. LALDAWNGLIANA

5. KOLASIB : K. LALRINLIANA

6. SERLUI : LALRINSANGA RALTE

7. TUIVAWL : LALCHHANDAMA RALTE

8. CHALFILH : K LALHMANGAIHA

9. TAWI : LALRINENGA SAILO

10. AIZAWL NORTH I : R LALZIRLIANA

11. Aizawl North-II : VANLALSAWMA

12. AIZAWL NORTH III : C LALMUANPUIA

13. AIZAWL EAST I : ZORAMTHANGA

14. AIZAWL EAST II: B.LALAWMPUII

15. AIZAWL WEST I : ZOTHANTLUANGA

16. AIZAWL WEST II : LALRUATKIMA

17. AIZAWL WEST III : ER K LALSAWMVELA

18. AIZAWL SOUTH I : K VANLALVENA

19. AIZAWL SOUTH II : DENGHMINGTHANGA

20. AIZAWL SOUTH III : PROF. F.LALNUNMAWIA

21. LENGTENG : Dr L.THANGMAWIA

22. TUICHANG: TAWNLUIA

23. CHAMPHAI NORTH : DR. ZR.THIAMSANGA

24. CHAMPHAI SOUTH : TJ LALNUNTLUANGA

25. EAST TUIPUI : RAMTHANMAWIA

26. SERCHHIP : J MALSAWMZUALA VANCHHAWNG

27. TUIKUM : ER. LALRINAWMA

28. HRANGTURZO : LALREMRUATA CHHANGTE

29. SOUTH TUIPUI : DR R LALTHANGLIANA

30. LUNGLEI NORTH : DR.VANLALTANPUIA

31. LUNGLEI EAST : LAWMAWMA TOCHHAWNG

32. LUNGLEI WEST : C.LALRINSANGA

33. LUNGLEI SOUTH: DR K PACHHUNGA

34. THORANG : R.ROHMINGLIANA

35. WEST TUIPUI : PROVA CHAKMA

36. TUICHAWNG : Rasik Mohan Chakma

37. LAWNGTLAI WEST : V.ZIRSANG

38. LAWNGTLAI EAST : H.BIAKZAUVA

39. SAIHA : HC LALMALSAWMA ZASAI

40. PALAK : KT ROKHAW