Aizawl; Nimin khan Association for Environmental Preservation (ASEP) huaihawtin Hmuifang tlangah ramchhuah runpui neih a ni a, ramchhuakte hi Addl. PCCF Rosiama Vanchhawng chuan a vailiam a ni. A hmuna kal Zalen palai chu “Nung cha te humhalh an tul tawh a, tunlai chuan silai a kap lovin camera a an thla laksak hi pasatha nihna a ni zawk,”tiin an sawi a. Rosiama Vanchhawng pawhin "silai nen ni lova camera nen ramngaw leh nungcha te thlalak duhna Zofate thinlungah a lo awm chho zel hi a lawmawm a, nakin lawkah chuan kan ram hi ram nuam leh duhawm ah kan la siam ngei ka beisei tlat a ni,"a ti. ASEP President K.Lalmuansanga pawhin Mizote thinlungah sava veh dan thlak chu an tum ber nia sawiin an hmalakna in rah tha a chhuah zel chu lawmawm a tih thu a sawi bawk.