ZALEN Dec. 5. 2025: Aizawl Two Wheeler Taxi Association (ATTA) chuan two wheeler taxi driver pakhat, a passenger ankhum tu hriat chhuah a ni tawh tih an tarlang.

Thuchhuah an siama an tarlan dan :

Hmanni deuh a Two Wheeler Taxi rider pakhat in a pasenger upa tawh tak mai thinrim taka video cover chunga a ankhum chungchang darhchiam kha social media ah mipui ten kan lo hmu hlawm ngei anga, Aizawl Two Wheeler Taxi Association (ATTA) chuan pawi kan ti in, a ti tu hi kan dem takzet a, khatianga ai a upa zahlohna kha thleng tawhlo se kan duh takzet a ni.

A mah kha tunge anih tih Aizawl Two Wheeler Taxi Association (ATTA) chuan a chhui a, kan member a nih chuan a chungah ana thei ang ber a hremna lek kawh a tum a. Chutiang tura hma kan lak mek lai in Aizawl Two Wheeler Taxi Association (ATTA) pawl member a nilo tih hriatchhuah ni in, Kulikawn Welfare member a ni tih hriat a ni ta a ni. 

Aizawl Two Wheeler Taxi Association (ATTA) hian inkaihhruaina mumal tak neiin, Mizoram sorkar hnuai Firm and Society ah inziaklut thlap in inkaihhruaina mumal tak a nei a. Chutiang te a nih a vang chuan pawl inkhaihhruaina hnuai ah mi diklo te chu hremna te pek thin a ni.

Pawl member nilo te chungah hremna a pek theihloh a vangin khatiang a mahni pasenger chunga mawilo tak a che pawh kha a chungah hremna lek theih a ni talo a ni.

Aizawl Two Wheeler Taxi Association (ATTA) hnuai ah hian member tam tak an awm rual in, Welfare member leh engah mah member nilo service ve tawp hi tam tak an awm bawk a, Taxi driver te hi mipui rawngbawltu kan nih angin mipuite tan theihtawp chhuah tur kan ni tih hre thar leh turin Two Wheeler Taxi khalh zawng zawng te kan in ngen a, nelawm tak leh zahawm tak chunga kan mizo zia lan tir zel chunga he eizawnna hi kalpui zel turin member zawng zawng te kan in ngen in kan in hriattir bawk a ni.

#ZalenNews