Aizawl: Kum 2012 July ni 17-a Aizawla Passport Seva Kendra din anih hnuah passport dil mi 4,886 an awm tawh a, Passport dil zingah mipa aiin hmeichhia an tam zawk. Passport Seva Kendra atanga thudawn danin, hmeichhia dil an tam nachhan hi ram pawna hmeichhe hnathawk tum an tam zawk vang nia rin a ni a, kum 2012 kum khan sawrkar hnathawk Passport (NOC) dil 55, leh mimal a Police Verification (PVR) hmanga dil mi 559 awmin a vaiiin mi 614 in passport an dil a,kum 2013 ah NOC-160 leh PVR 2028 awmin mi 2188 in passport an dil a, Kum 2014 ah NOC 136, leh PVR 1948 awmin mi 2084 in passport an dil bawk a ni. Passport Seva Kendra hi Aizawla din anih hnuah a hmaa Guwahati kala buaipui ngaia dil aiin an tam zawk viau nia hriat a ni a, a chhan hi Aizawla Passport Seva Kendra din anih tak avanga Passport siam a samkhai avang leh rampawna zin leh hnathawk tura mipui ten tunhma aia rilru an pek zawk vang nia ngaih ani a, hmanhmawh thila(Taatkal) a Passport mamawh tan erawh Guwahati pan tho ala ngai a, Passport hi Online a tih tawh ni mahse Guwahati Regional Passport Office kaltlanga endika siam ala ni tho a ni. %%%%%%%%