Bollywood film hlawhtling zet mai Pathaan chu a chhunzawmna siam a ni dawn nia tarlan a ni. Pathaan 2-ah hian Shah Rukh Khan pawh a chang leh dawn nia sawi a ni a, kumin kum tawp lamah shooting an tan hman beisei a ni. 

Kum 2023-a tihchhuah action thriller film Pathaan-ah khan Bollywood star - Shah Rukh Khan, Deepika Padukone, John Abraham, Dimple Kaparia leh Ashutosh Rana te an chang. A siam nan pawh vaibelchhe 225 zet hman niin, a sum lakluh pawh vbch 1050 zet a tling a ni. Bollywood film chhuak tawh zinga sum lalut hnem ber zingah a tel a, a part 2 siam tur hmalakna awm leh pawh hi a mak lo. 

Indian film director lar Aditya Chopra kutchhuak hi Yash Raj Films ten an produce a ni a, hmalakna an kalpui leh mek. Shah Rukh leh Aditya te chuan hmalakna hi an kalpui mek a, kuminah tan hman an tum - an tihchhuah hun tur erawh hriat theih a la ni lo thung.