ZALEN Oct. 21, 2024; Lunglei District Magistrate R. Lalthazuala chuan October ni 18, 2024 khan a hnuaia mi ang hian 'Hriattirna' a chhuah.

"Home Department, Govt of Mizoram lehkha No. A-13011/5/2024-HMP dt. 13.06.2024 thuchhuakin a tar lan angin mimal leh pawl thenkhatin Mizoram chhunga lirthei lo lutte hnen aṭangin pawisa an lo laksak thin tih hriat a ni a. Heti anga State sawrkar remtihna lo leh danin a phut vang ni lova pawisa lo khawn hi Mizoram sawrkar chuan a ngai thu tak hle a ni.

"Chu vangin, Lunglei District chhunga state dang lirthei lo lutte atanga dan lova pawisa lo laksak hi khap tlat a ni a, pawisa lo khawn/laksak thin an awm a nih paw'n titawp tura hriattir nghal an ni. Heti ang ti luite chu Section 308, Bharatiya Nyaya Sanhita, 2023 hmangin an chungah hremna lek kawh theih a ni."