Aizawl: Aizawl veng thenkhata sumdawng ten pawisa thir cheng 10 chu tihtawp a ni dawn anga sawiin an mahni dawr tu te hnen atangin an dawng duh lo. Hemi chungchanga thudawn danin sumdawng thenkhat an mahni dawr tu ten pawisa thir cheng 10 leh cheng 1 inkar te chu hmun dangah pawh an hman theih loh thin avangin an dawng duh lo niin an sawi a, hemi avang hian pawisa thir chu an dawng duh lo niin an sawi. Hemi chungchang hi State Bank Of India Aizawl Main Branch hotute zawtfiah in State Bank hotute chuan, pawisa thir cheng 10 leh cheng 1 inkar tihtawp tumna engmah a awm loh thu an sawi a, tihtawp a ni dawn tia thuthang awm chu thudik lo a nih thu an sawi. State Bank hotute chuan, pawisa thir chu tihtawp a hnek in siam belh zel zawk a ni an ti a, Mizorama hman turin tunah pawh an hmunpui lam atanga rawn thawn an tum thu an dawng zawk tih an sawi. State Bank hotute chuan, pawisa thir hman theih tawh loh chu cheng 1 hnuai lam ho chauh a ni an ti a, kum 2005 hma lama siam Note ho pawh an pe chhuak tawh lova a, dawn erawh chu an la dawng thei reng tih an sawi. State Bank hotute chuan, sumdawng thenkhat, cheng 10 leh cheng 1 inkar pawisa thir dawng duh lo te chu lo dawng tawh tur leh tihtawp tumna engmah a awm loh thu an sawi a, mipui te pawh thuchiang zawk hre turin an mahni zawh nachang hria se an duh tih an sawi bawk.