ZALEN April 29, 2026; Mizoram Board School Education (MBSE) chuan vawiin chhun dar 12 khan Higher Secondary School Leaving Certificate (HSSLC) Examination 2026 result a tichhuak a, zirlai exam 12,243 zinga 10, 734 an pass a, pass percentage chu 87.67 niin, nikum pass parcentage 81.10 aiin a sang zawk.

HSSLC result chhuakah hian exam beitu 12, 243 an awm a, Arts Stream ah 8,714, Science Stream ah 2,770 leh Commerce Stream ah 759 awmin pass zatah mipa aiin hmeichhia an tam zawk a ni.

HSSLC result chhuakah hian candidate zawng zawng pass vek sikul hi Arts ah 64, Science ah 14 leh Commerce ah 2 a awm a. Candidate zawng zawng fail vek Arts-ah sikul pakhat a awm a, Science leh Commerce-ah fail vek school an awm lo.

Result highlight

Appear zat mipa aiin hmeichhia 1033 in an tam zawk. Pass zat pawh hmeichhia 904 in an tam. 

District malah Arts-ah Serchhip district pass % a sang ber a, 91.86% a ni a, Science-ah Kolasib district niin 94.59% a ni. Commerce-ah Hnahthial district niin 100% an pass. 

Ram puma Arts a pakhatna in Mark 466 a hmu a, Science a pakhatnain 462 leh Commerce a pakhatnain mark 463 a hmu. 

Pass % nikum aiin 6.57% in a sang. 

Zalên News