ZALEN July 05, 2026 : Zirtawpniah khan Central Jail, Tanhrila tang, pawngsual leh tualthah thubuai vanga dam chhung tang tura hrem, Zothanpuia (Zohmun, Manipur) chu a tlanchhuak a, thuneituten an zawng mek.

Zonuam Outpost atanga ZALEN thu dawn danin, July ni 3 (Zirtawpni) ah khan jail-a tang (convict) mi 16 te chu jail hung chhung pawn lamah kawngpui sir sam faitir an ni a, chawhma dar 11:30 velah khan an hnathawhna hmun aṭangin Zothanpuia hi a tlanchhuak a ni.

Zothanpuia hi kum 2011 atang khan Central Jail-ah hian a tang tawh a, thuneituten an zawng mek a ni.

Tun dinhmunah Mizorama jail 10 ah te mi 1, 823 an tang mek a, mipa 1, 608 leh hmeichhia 202 bakah mi tang fate naupang 13 an ni a. Mi tang leng zat aiin 297 in an tam a ni. Centrail Jail chu mi tang tam berna niin, mi 510 lennaah mi 879 an tang a, Champhai District Jail-in dawtin mi 105 lennaah mi 216 an tang mek a ni.