DOWNLOAD OUR APP

Read latest news on your phone
app-store
PC Party in ram siamtha turin sawrkar thar beisei || Tih ngei tura an ngaih an sawi
Nov 29, 2023

ZALEN November 29, 2023 : Vawiin khan PC Party chuan an party office tharah thuthar thehdarhtute an kawm a, sawrkar thar siam tur tur eng party pawh ram tihmasawn tur leh tihausa turin an duhin an beisei tih an sawi.


PC Party President Vanlalruata chuan, "Kan ramin hma a sawn tak tak na turin kan ram inrelbawl dan siamthat a, sawrkar inenkawl leh inrelbawina hautak lutuk tihreh a ngai a. Hemi atan hian sawrkar inrelbawl dan siamthat (administrative reform) leh sum enkawl dan siamthat (fiscal reform) a ngai a. Chumai bakah ram hruaitu ten an eiruk loh a, eiru an hrem a tul a. Eng party pawh sawrkar se kan ram an hmangaih anih chuan heng hi tih theih a ni. Keini chu sawrkar ila kan ti ngei ang," a ti.


Ruata chuan, "Ram hausa, hnam hausa kan nih theih nana hmalak hi sawrkar mawhphurhna a ni a, Chumi anih theih nana kan rama kanm thlai thar te sawngbawlna tur industry din kawng hmasawnna (industrial revolution) thlen leh kan ram hi India, Myanmar leh Bangladesh mai ni lo South East Asia ram te insumdawntawnn hmunpui - Indo-Myanmar-Bangladesh (with ASEAN) Trade Hub-a insiam hi eng party pawh sawrkar se kan ram leh hnam dinchhuah tak tak an duh anih chuan thil tih theih ngei a ni a. Keini chu sawrkar ila kan ti ngei ang," a ti bawk.


Ramin hma a sawn a, ram leh hnam a dinchhuah ngeina turin heng thil te hi ti ngei turin sawrkar thar lo ding tur an beiseiin an ngen lawk a. Heng tihhlawhtlinnan hian an theih ang angin hma an la dawn tih an sawi bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh