PELE: Football-a mihrang leh ram hruaitu ten an ui thu an sawi
![](/storage/news/post/NSnGGvyPImflRu1g6lLlbTrYcpI4GejZjKkjHaXy.jpg)
World Cup-a Brazil champion pui tu tawh Ronaldo Nazario chuan Pele-a ngaihhlut thu sawiin, "Mi danglam, mi ropui, Thiam bik. Ngaihna hria, Duhthusam, Tluk rual loh. Pele hi a kal tawh, kan zingah a cheng thung. A chungnungber nihna hi a kalsan ngai lo ang, vawiin hian min chawlhsan rih mai a ni. Amah lo hi hi King of Football dang an awm lo. Ropui ber a ni," a ti
Unites States of America President Joe Biden chuan, "Sport-ah hian ani tluka min khaikhawmtu tur an awm chuang lo. Pele hian tlawm takin soccer-ah hian bul a tan a, legend nih hi atan thil nih awm tak a ni," a ti ve bawk.
Brazil president Jair Bolsonaro chuan, "Football hmanga Brazil khawvela min ti hmingthatu mihring a kal ta mai hi sunna nasa tak a ni. Football hi a thuammawi a, hlimna a thlentir bawk," tiin a thlah.
Brazil president tur atana thlan thar Luiz Inacio Lula da Silva pawhin a thlahna thu sawiin, "Kei chuan tuna Brazilian thangthar te tawn loh ropui deuh ka nei : a takin Pele ka hmu tawh, Pacaembu leh Morumbi-ah. A inkhel satliah lo a, Pele hi chuan ennawm min hmuh tir. A chhan chu ball a chan apiangin thil danglam bik a ti thin, goal-ah a chantir zel bawk," tiin Pele a hmu hman vannei a intih thu a sawi.
FIFA President Gianni Infantino chuan, Pele thih thu a hriatin a hnuk a ulh hle tih a sawi a, "Football tan chhiatna ni a ni," tiin Pele chu, 'The athlete of the century' tiin a chhal bawk. Infantino chuan, "Mi a hip theihna hian min la chenchilh reng, a bula awm hi chuan, khawvel hi a chawl thup a ni ber. Vawiin hi chuan khawvel hian Pele a sun ; the greatest gootballer of all time," a ti zui bawk.
Brazil tana khel mek leh kumin world cup-a goal mawi ber thuntu Richarlison pawhin zahna lantirin, "Bung thar tha bik min kaitir tu, game thlak danglam hlak tu a ni," tiin, "Kum 60 kalta i hmachhawn dan ngaihtuahin ropui ber i ni, i harsatna hmachhawn te ngaihtuahin, i thil tih avangin vawiina mi te hian tih tur kan neih tlem phah," tiin Pele thawhhlawk zia a sawi.
England-in World Cup an chawi awmchhuna an hruaitu Sir Geoff Hurst pawhin a ui thu sawiin, "Thil sawi harsa a ni lo, footballer ka hmachhawn tawh zingah a tha ber tih hi. A kianga khelmuala ka awm thei kha inchhuanna tham a ni," a ti.
1966 champion zingami Sir Bobby Charlton pawhin Pele chu magical footballer tiin, mihring piang tawh zingami mihring ngainatawm ber zingami a nih thu a sawi.
Pele te nena 1958 & 1962 World Cup-winning team-mate zingami Mario Zagallo chuan, "Ka thian hian hnehna hi a ta neih a ni, titles bakah chanchin sawi tur a tam hle. Enna leh zahawmna tam tak a hnuchhiah a ni," a ti.
England striker hlui Gary Lineker chuan, "Pele hi football thawhlehna a ni, a tih theih ang, footballer te lungrualna a ni a, mihring hlim thei tak zingami a ni," tiin a thlah.
Ex-Brazil defender & World Cup winner Cafu chuan,"Pele a thi, he chanchinthar hi a dik tawk lo. Pele hi a thi ngai lo ang. Pele hian awmloh a inhmeh lo. Pele hi hi a thi ngai lo ang. Pele hi enna a ni. Pele is King, Pele hi mi bik a ni. A chawl lailawk mai a ni," tiin legend a thlah.
Football Association chuan Pele hriatrengna hi Wembley-ah an tilang a, stadium hi Brazil rawngin an chei a, langsar takin, "Everyone who loves football, loves Pele," tih an ziak.
Olympic champion tum riat ni tawh Usain Bolt pawhin Pele thlah nan, "A sporting legend' tiin a thlah.
New York Cosmos chu 1977 khan Pele hian a chhuahsan a, club anga a khelna hnuhnungber hian, "America-a sporting revolution bultantu a ni," tiin thuchhuah an siam. Club hian, "United States-a soccer tilartu a ni. Baseball ngaihlutna hmunah khan tunah chuan soccer mual a awm ta," tiin thuchhuah an siam bawk.
Brazil sawrkar Twitter account chuan, "Our mighty Brazilian hero. A ropuina avanga thi thei tawh loh tur (immortalised by his genius)," tiin an tweet.
Pele-a fanu Kely Nascimento chuan Pele kut vuana a thlalak-ah, "Everything we are is thanks to you. We love you infinitely. Rest in peace." tiin a post.
Brazilian Football Confederation chuan, "Greatest sportsperson of all time te bak a ni," an ti. An thuchhuak chuan, "The King hian Brazil thar mi siamsak a, a ropuina avangin lawmthu sawi lo thei kan ni lo," an ti bawk.
Pele's official Instagram account-ah chuan, "spread what he most believed to be the cure for all our problems: love" tih post a ni bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024