Gospel singer Pensy B. Lalthangliani chuan khiang a awi ve leh ta - Richard Zongte nen vawiin khan Kohhran leh mipuite hmaah 'tiam tlat e' an tidun a ni. Vanghmun khua, Tripura-ah an innei a, chhungkhat laina leh thenrualtha ten an tawiawm tha hle a ni. 

Lunglei nula Pensy B. Lalthangliani man hi July 14, 2022 khan an lo inhal tawh a, an khaw kar a inhlan deuh vangin vawiin khan an inkutsuih ta chauh a ni. A pasal Richard Zongte hi Pachhhunga University College atanga inzirchhuak niin, Pensy nen pawh hian tun hnaia inhre chawp an ni lo - an inzui tak takna erawh a la rei lo tih mopa hian man hlan ni khan a lo sawi chhuak tawh a nih kha. 

Richard Zongte sawi dan chuan kumin Valentine's Day pawh khan an la in 'date' lo a, hemi hnua in 'date' tan chauh an nih chuan a la rei lo hle tihna a nih chu! An inhriatna a rei tawh avangin an inkarah hmangaihna a piang nghal thuai a nih hmel e. 

Richard Zongte hi tunah hian Tripura Sawrkar hnuaiah Food & Civil Supply Department-ah Dy Director a ni mek. Pasal a neih hnuah Pensy B. Lalthangliani zai ngaihthlak tur a awm zui ang em tih chu hunin a la hril dawn a ni.