DOWNLOAD OUR APP

Read latest news on your phone
app-store
Perfect 10 : Taylor Swift a ropui zual zel
Nov 01, 2022

American singer Taylor Swift chu artist piang tawh zinga Billboard Hot 100 top 10-a lang phak vek album 10 nei thei hmasa ber a ni ta! Artist zingah he tiang tithei hi an la awm ngai lo - kum 32 mi hi rimawi khawvela ropui berah kan chhiar thei tawh mai ang em?

Taylor Swift hian October 21, 2022 khan album thar 'Midnights' a tichhuak a, hei hi a studio album 10-na chiah a ni. A album tihchhuahte khan Billboard Hot 100-ah top 10 an kai vek a, a album thar 'Midnights' pawh rin ang ngeiin top 10-ah a rawn inhlangkai. Billboard Hot 100 song chart hi kum 64 chhung kalpui a ni tawh a, Taylor Swift record ang hi nei an la awm ngai lo. 

A album atang hian Hot 100-a No.1 hauh phak hla pakua a nei tawh bawk a, chung zingah chuan 
'Midnights' album a mi 'Anti-Hero' pawh a tel. A hla zinga No. 1 hauh phak te chu - We Are Never Ever Getting Back Together, Shake It Off, Blank Space, Bad Blood, Look What You Made Me Do, Cardigan, Willow, All Too Well leh Anti-Hero te an ni. Heng zingah hian 'Blank Space' phei chuan kar sarih chhung zet No.1 a luah a, Shake It Off pawh khan kum 2014 khan kar li chhung a zawnin No.1 a lo hauh tawh bawk a ni. 

Swift bakah hian Candian rapper Drake chu record nei tha a ni a, an inumchho zak zak. Drake hian Billboard Hot 100 top 10-a lang phak hla pakua a nei ve mek bawk a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh