Hollywood director lar James Gunn chu ramsa leh nungchate dikna chanvo humhalh kawnga a thawh hlawk avangin People for the Ethical Treatment of Animals (PETA) Person of the Year 2023 atan thlan a ni. 

Kum 57 mi 'Guardians of the Galaxy' film siamtu hi nungchate humhalh kawngah a thawh hlawk viau a nih a rinawm a, a hna thawh hi PETA pawh hian an hmuhhmaih hauh lo. A ngilneihna leh zaihngaihna hian mite rilruah hna a thawk a, chawimawina a dawn phah ta hial a ni. 

PETA chuan American filmmaker hna thawh hi ropui an tih thu an sawi a, phu takin Person of the Year 2023 atan an thlang tih an tarlang. PETA tarlan danin kUS-ah ringawt khuan enkawltu nei lo ui leh zawhte maktaduai 70 vel zet an awm a ni. 

James Gunn pawh hian heng enkawltu nei lo te hi a lainat hle tih a hriat a, a theih tawpin a humhalh kawngah tha a thawh a ni. Kum 2022 khan ui pahnih - Ozu leh River te a adopt a, zawhte Emily a nei bawk. Hengte hi khawlaia enkalawtu nei lo a lakkhawm te an ni a, duaht leh hmangaih takin a enkawl a ni.