Aizawl: Public Health Engineering (PHE) department-in ni 3 awm tur hna an thawh mek chu vawiinah hian zawh an beisei a, he hna avang hian Phase 1 khawl chu off niin he khawl hmang hian tui an pump lo a ni. PHE department chuan pump house no. 1 leh 2 inkarah pipe line thar an zawm a. Hei bakah hian treatment plant tharah trial run an nei dawn bawk. Treatment plant hi a tharah peih vek tawhah an insawm bawk a ni. Ni thum chhung hian power sub-station-ah khawl thar vuah a ni bawk. Aizawl khawpui hi Phase I leh Phase II khawl hmanga chawm a ni a, Phase I a hman theih a nih loh avang hian tui a tlem hret thei, tui ren turin mipuite an chah niin PHE hotute chuan Zalen an hrilh.