ZALEN December 24, 2025 : PHE Minister Prof. Lalnilawma’n December 19, 2025-a PHE Department a thawktute hnena Krismas leh kumthar bawr vela mipui ten tui supply tha an hmuh theih nan leh a bikin Kohhran-in Krismas leh kumthar lawmna atan a an tui mamawh ang te pek anih theih nan a ngen angin, Krismas lawmna tur Kohhran hrang hrang leh hmun 340 chuang ah PHE Department, Aizawl Watsan Circle chuan tui an pe ngah tawk rih.

Tunah hian Aizawl khawpui a veng hrang hrangah rualkhai taka tui sem anih theih nan PHE Department chuan theihtawp a chhuah mek zel a ni. Vawiin khan Krismas lawmna tura Aizawl khawpui a Kohhran hrang hrang chu PHE Department Sectional Officer leh Staff ten kohhran/ hmun hrang hrang fan kual nawn na neiin, tui lo nei phai te an dah khah sak leh nghal a ni.

PHE Minister Prof. Lalnilawma leh PHE Department a thawktute’n mipui leh kohhran ten hlim leh lawm taka Krismas leh kumthar an lawm theih nan theih theihtawp an chhuah a, inbuatsaihna tha tak leh ruahhmanna felfai tak siam lawkin Kohhran te hnenah an mamawh tui hi an pe thei a ni.