ZALEN June 20, 2024; Aizawl khawpui veng laili ber, Dawrpui chhim lama cheng te chuan hun rei tak ata, an vengah tui mamawh tawk an hmuh that loh chungchangah; a changtu PHE Minister Prof. Lalnilawma chu a pisa ah an hmu a, an harsatna te hrilhin; a dawhkan atanga chinfel sak turin an ngen.

Dawrpui South Welfare hian PHE Minister hnena an lehkha thehluh ah Dawrpui chu sumdawnna hmunpui anih avangin a mi cheng te leh sumdawnna avanga mihring che vel ten tui an mamawhna a sang bik tih sawiin; an area a zonal tanky siamsak tur leh tui chu kar khatah vawi 1 tala sem thin nise an lehkha thehluh ah hian an tarlang.

Dawrpui South Welfare hi kum 2017 khan din a ni a, member 500 chuang awmin; faina kawngah hma nasa takin an la thin a. Kum tin hnatlang ko in; faina inzirtirna neiin dawr leh in an fangchhuak thin a. Khua leh tui tha ni turin an inzirtir thin bawk.