Aizawl: Public Health Engineering Department (PHED) in an siam thar, a hmuna kal kher ngai lova internet hmanga tui bill pek theihna ‘online payment’ May thla atanga hman \anah mi 194 in tui bill an pe tawh. PHED hotute chuan Zalen palai zawhna chhangin May thla atanga online payment an kalpui tharah mi 194 in May thla bill an pe a, pek theih hun chhung hi pek hun tawp pangngai aia ti seiin May 28, 2017 thleng khan pek theih tura tih anih thu an sawi bawk. PHED hotute chuan online payment chu mipui tam thei ang berin an hman \angkai theih nan an puanzar mek thu an sawi a, online payment tih changtlun hmalak zel a nih thu an sawi bawk. PHE Department in online payment an kalpui theih nana hmalatu Information & Communication Technology (ICT) Department-a Data Recovery Administrator, Gospel Ramdinmawia chuan PHED online payment chu thawm belh zel a nih thu sawiin, “Mipuiten online hmanga tui bill an pek zawha an pe ngei tih finfiahna SMS leh thla thar apianga an tui bill zat leh online a an pek theihna tur link inziahna SMS an dawn theihna tur kan buatsaih mek a, kan peih \ep a ni,” a ti a. Online payment chu Power & Electricity Department pawhin thla hnih chuang an hman tawh thu leh mipuiin an hman \angkai thu a sawi bawk. Online a tui bill pe duh tan hian https://phebilling.mizoram.gov.in ah a pek theih a ni a. Consumer number ziak lutin mipui te'n bill hi an pe thei tawh a, SMS peih a la nih loh avangin email hmang chauhin tui bill pe te'n an pe ngei a ni tih finfiahna hi an la dawng rih a ni.