Aizawl District Football Association chuan thuchhuah siamin Aizawl District chhungah phullem phah tharna tur field 9 lai mai sorkarin ruahmanna a siam chu lawmawm an tih thu an sawi.
   

An thuchhuahah chuan, “Aizawl District chhungah football khel mi kan tam a, football field tha erawh kan nei tlem hle a, hun rei tak chhung kan buaiin Aizawl khawpui chhungah phei chuan phullem phahna field-a inkhel thei kan awm mang lo a ni,” an ti.
   

“Chutianga field tha kan mamawh em em laia Mizoram sorkarin Lengpui (zo tawh), Durtlang, Zemabawk, Chite Veng, Hlimen, Tuivamit, Edenthar, Armed Veng leh Muallungthu-ah te phul min phah sak a tum hi kan lawm a, a bik takin khelmual tha kan neih theihna tura hma min lak saktu Chife Minister, Dy Chief Minister leh Sports Minister leh official te chungah kan lawm em em an ni,” an ti.