Aizawl: Phullen khua a rannung seh natna ‘scrub typhus’ chu a ziaawm chho zel a, he natna vei hmuhchhuah zawng zawng chu 70 an tling tawh a ni.Aizawl: Phullen khua a rannung seh natna ‘scrub typhus’ chu a ziaawm chho zel a, he natna vei hmuhchhuah zawng zawng chu 70 an tling tawh a ni. Integrated Disease Surveillance Programme a state nodal officer Dr. Pachuau Lalmalsawma’n Zalen a hrilh danin nimin Inrinni khan he natna vei nia inringhlel mi 12 endik leh an niin mi 1 chuan a vei (positive) tih an hmuchhuak leh tih a sawi. Dr.Pachuau Lalmalsawma chuan scrub typhus vei te chu an enkawl nghal zel avang leh a natna hmuhchhuahna khawl test kit hman tur a awm reng avangin a ziaawm chho zel nia a hriat thu a sawi bawk. Zalen thudawn danin November 2017 atang khan Phullen ah hian scrub typhus hi hmuhchhuah tan a ni a, hriat theih chinah mi 152 thisen endikah he natna vei hi 70 hmuhchhuah a ni a, he natna avang hian mi 1 a thi tawh bawk. Health department thawktute chuan scrub typhus chu hmuhchhuah hmaa enkawl vat a nih chuan a hlauhawm lem lo niin an sawi bawk.