April 21, 2023; Vawiin (Zirtawpni) chawhma dar 10:50 vel khan Pick Up TRO5C 1765 Rajiv Nagar atanga Marpara kal tur chu W. Phaileng khawchhung ah a chesual a, mi 5 an boral.

Chetsualna a thleng tih hriat a nih veleh West Phaileng huam chhunga Branch YMA ten a tul ang ang an buaipui nghal a. chetsualna hmunah hian mi 3 thi in a hnu ah damdawiin lamah 1 a boral leh a ni. Mitthi te:

1. Bonomota (hmeichhia)
2. Ayushi Chakma (hmeichhia)
3. Dev Kumar Chakma (mipa)
4. Siki Chakma (hmeichhia)
5. Kajola (hmeichhia)

Thudawnna in a tarlan danin, hliam te hi W. Phaileng PHC ah enkawl nghal niin an dinhmun a tha lo hlawm hle a. Dinhmun ngaihtuahawm zual mi pali (4) te chu ruahmanna siamfel a nih hnu ah Aizawl lam panpui an ni. Pick up ah hian mi 24 an chuang a, Rajivnagar-a biju hmang zo Marpara lam pana an haw lam an ni. Ruang 5 te hi thlailam dar 3 khan an khaw lam panpui an ni.