ZALEN Jan 8, 2026: Lawngtlai District a Kawlchaw West khua ah Lalremruata te pafa chu pick up in an chuanna scooty a sut avangin an boral.

Thudawn danin, nimin (8.1.26) chawhma dar 10 vel khan Kawlchaw West ah Lalremruata, Zothankhumi pasal, Saikah khaw hnuai chu a fapa Lalduhsanga kum 7 mi leh an nau Amos-a kum 21 nen bawnghnute sem turin Kawlchaw West ah scooty in an kal a, khaw luh dawn, khaw tawntirhah hian Ranjit Rana khalh pick up chuan a su a, a hmunah Lalremruata hi a boral a, a fapa Lalduhsanga chu damdawiin panpui a nih hnuah nimin tlai dar 5 khan a boral veleh a, an nau Amos erawh chu ngaihtuahawm tak a ni lo.

Motor khalhtu Ranjit Rana kum 28 mi, Lungpuizawl, Lunglei District hian zu a rui nia sawi a ni a, Lalremruata te a sut hnu hian tlan tlangin thui vak lo a kawngsira parapet a su a, hetah hian nang chingin an man a, kawlchaw Police ten an la a ni.