ZALEN, September 08, 2025: Prime Minister Narendra Modi-a’n Inrinnia Aizawl a tlawh turah khawpui chhunga a kal kawng turte chu chawhma chhung inhawn phal a ni dawn lo.

Thawhtannia Aizawl Municipal Corporation (AMC) thuchhuahah Modi-a’n Aizawl a tlawh dawn avang hian chief secretary hova August 30, 2025-a rel angin a zawh tur kawng, Thuampui Helipad atanga Lammual inkar (via Chaltlang leh Ramhlun) dunga dawr, mi mal pisa leh kawng sira thil zawrhna zawng zawngte chu Inrinni hian chhun dar 12:00 thleng emaw, a kir leh hma emaw hawn phal a ni lo tih tar lan a ni.

Prime Minister Modi-a hian Inrinni hian Lammual atangin Bairabi - Sairang rel kawng sial thar chu a hawng dawn ni.