ZALEN Sept. 16, 2025 : Mizoram BJP ṭhalaite chuan Prime Minister Modi-a piancham pualin marathon race an buatsaih dawn.

Vawiin chawhnu dar 1 khan Aizawl press club-ah thuthar thehdarhtute kawma he thu hi sawiin BJP Mizoram ṭhalai presisent Robinson Malsawmtluanga Hmar chuan, PM Modi-a piancham (Sept. 17) pual marathon race (Modi Yuva Marathon) hi India ram pumah September ni 21, 2025 -ah buatsaih tum a ni a, he ni hi chawlhni a nih avangin Mizoramah chuan September ni 20, Inrinni-ah buatsaih tum a nih thu a sawi.

Marathon race hi Bawngkawn atangin Ramhlun veng kawngah tlanin Lammual thleng tlan turin ruahmanna siam a ni. 

Lawmman dawn dan turte :

1-na : Rs. 10,000 + Medal + Certificate

2-na : Rs. 7,000+ Medal + Certificate

3-na : Rs. 5,000 + Medal + Certificate.

Tlan zawng zawng ten certificate leh T-shirt an dawng vek ang.

#ZalenNews