Aizawl; Ramchunga mitinin Bank account an neih theihna tur a sorkar laipui ruahman 'Pradhan Mantri Jan Dhan Yojana' (PMJDY) hnuai ah mi 10,000 chuangin Mizoramah Bank account an hawng tawh. SBI hotute sawi danin, PMJDY tihlawhtling tur hian Bank hrang hrang chuan hma an la mek a, thingtlang leh khawpui chhung hmun hrang hrangah Bank account nei an awm leh awmloh zirchiannna survey neih mek a ni a, he zirchianna hi tun thla chhunga zawhfel hman tur ruahman niin, hemi atan hian Bank hrang hrangte chuan an chanpual tur an in sem. Mizoramah PMJDY hlawhtlinna tura hma lak mekna enchiang tur hian kar kalta khan Ministry of Finance atangin Deputy Secretary chuan Aizawl leh Seling a lo tlawh tawh bawk. PMJDY hi mi tin in bank account an neih a, hmasawnna tur a ruahmanna dawngtu tur dik tak ten an dawn theihna tur atana ruahman a ni a, he programme hi hawn a nih atangin ram pum ah mi vaibelchhe 2 chuangin Bank account an hawng tawh a ni.