PMJVK Scheme-in Mizoram pum tuam dawn || Union Minority Affairs Minister hnenah RRR-a'n lawmthu hrilh
![](/storage/news/post/CIbUu4quG3AqR0Tg1o3DoDr7hn5BpPdtnZnr8y3h.jpg)
Aizawl April 7, 2023 : District Council & Minority Affairs Minister Robert Romawia Royte chuan April 6 khan Union Minority Affairs Minister Zubin Irani chu a pisaah a kawm a, PMJVK Guidelines siamthaa Mizoram pum scheme-in a tuam thei tawh tur chu lawmawm a tih thu a hrilh.
Robert Romawia chuan hun rei tak Mizoram district 8 ten PMJVK hnuaia hamthatna an dawn theih loh avanga hengte cover tura Mizoram sawrkarin projects a siamte chu ngai pawimawh turin a ngen. DC&MA Minister chuan kum kal taa PMJVK sanction thar awm lo chu pawi a tih thu hrilhin, India ram state dangte ang thovin Mizoram tan pawh thil hrilhhaithlak tak a ni tiin, Mizoram chuan sum dawnsa tluang taka a hman theih avang leh a taka projects thawh zawh chin a san tawh avanga a bika ngaihtuah a phu tih a lo hrilh.
Minority Affairs Minister Robert Romawia Royte hian Mizoram Sawrkarin PMJVK scheme tha taka a kalpui thu leh 2nd instalment sanction vat a ngaih thu a hrilh a. Sanction hmuh tirh lama Covid hripui avanga hna tan muan deuh awm mah se, tunah chuan hnathawh a kaltluang thu leh projects tam tak zawh tawh niin zawh mai tur tam tak a awm thu a sawi bawk.
DC&MA changtu Minister Robert Romawia Royte chuan District Council area tan a bika project an siam thu hrilhin, sanction a nih vat theih nan a tanpuina a dil bawk a, Union Minority Affairs Minister Zubin Irani pawhin theihtawp lo chhuahpui a tum thu a lo hrilh a ni.
DC&MA Minister Robert Romawia Royte hian Union Minister of State for DoNER BL Verma pawh a chenna inah kawmin Mizorama 6th Schedule area te tana a bika ruahmanna siam tul a tih thu sawiin, Union DoNER Minister chu a rawtnate a sawipui a ni.
Minister Robert Romawia Royte leh C. Lalrosanga, MP te chuan Union Finance Secretary TV Somanathan pawh kawmin Finance Ministry-in a puih thinnaah lawmthu an hrilh a, Mizoramin a bika ngaihtuah a ngaihna lai leh a chhante an sawipui a. Union Finance Secretary pawhin an thu thlente chu a bika ngaihtuahpui a tum thu a lo hrilh a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024