Manchester United star Pogba hi kum 2012 atanga 2016 chhung khan Old Lady tana player tangkai ber pakhat a ni a, hemi chungchang hi sawi chhuakin a agent Mino Raiola chuan, “Paul Pogba hian rin lawk loh leh mak takin nipui lo thleng leh turah hian Juventus lamah a let leh ang,” tiin a sawi mauh mai. 

Pogba leh Manchester United thuthlung hi tun season zawh rual hian a tawp tawh dawn a, French midfielder hian a duh chuan contract hi a pawtseiin ruahmanna thar an siam thei ang. Chutih rualin, a agent chuan Juventus lamah a chhuah tur thu a lo sawi chhen tawh mai bawk si. United hotute leh supporter lam tan chuan thu hriat nuam tak chu a nilo mai thei. 

Raiola chuan Rai sport hnenah,“Paul Pogba contract chu nakum June thla khian a tawp tawh mai dawn a, a hma hun tur hi Manchester Utd nen pawh sawi ho a la ngai ang. Pogba ber hi Turin lamin a lung a la len tlat mai a, chuvangin Juventus lama a kal leh mai hi thil awm thei a ni a, mahse Juventus lam ngaihdanah a innghat thui viau thung ang," a ti. 

Pogba agent hian a nau hi vawi tam chhuak tur ang a sawi tawhin, "Pogba tan United-a a awm hun a liam tawh,” tiin a sawi leh.