DOWNLOAD OUR APP

Read latest news on your phone
app-store
Pogba'n Man United WhatsApp group a chhuahsan; sawmtu club pahnih a nei
Apr 27, 2022

Manchester United midfielder Paul Pogba chuan a teammate thian hnaite bulah season tawpah United chhuahsan a tum thu a sawi bakah an squad WhatsApp group pawh a chhuahsan tawh a, Europe club lian pahnih Real Madrid leh PSG atangin sawmtu a nei niin an sawi bawk.

Interim manager Ralf Rangnick chuan, Liverpool laka si 4 faia an tlawm hnuah hliam vangin an midfielder Pogba chuan tun season a khelh theih tawh loh tur thu a sawi a chiang tawh. 

United lama kum 29 mi Pogba contract neih mek chu tun season tawp rual hian a tawp ve tawh dawn. A football zir chhuahna Old Trafford hi club-record fee £89million zetin Pogba hian a zawm a, a vawi hnih nan free transfer-in a chhuah san leh dawn a ni. 

Daily Mirror chuan, Pogba hian a khelhpuite bulh a chhuah tur thu a sawi bakah player WhatsApp group pawh a chhuahsan tawh thu an tarlang a, club lian pahnih Real Madrid leh PSG te contract thar an sihhmuh niin an sawi bawk. 

Old Trafford-a Norwich nen an inhmachhawn tumin an supporter te chuan an lo boo khum a, inkhelh bana tunnel a kal lai pawhin Pogba hian a beng a hup hial a ni. Hmanni lawka United nena kan thawh hona hi a la tawp lo titu Pogba berin hetiang boruak a tawn chhoh takah chuan a rilru thlakin club dang a melh ta pawh a ni mai thei. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh