Police Hqrs. in dân lo-vin vbc. 15 hu hna pe
Jul 12, 2014
Police Hqrs. in dân lo-vin vbc. 15 hu hna pe
Aizawl; Kum 2009 -2012 inkar chhung khan Mizoram Police Headquarters chuan tender ko lovin hna 104, Rs. vaibelchhe 15.16 hu chu mi hrang hrang hnenah a pe niin Comptroller & Auditor General Report chuan a tarlang.
July 9,2014 (Nilaini) a Mizoram Lagislative Assembly Session a pharh tak CAG report tarlan danin heng hna Police Headquarters in a pek te hi in sak, santiri (duty) post siam, check gate siam, thawktu chenna in sak, barrack siam leh khelmual laih hna te a ni a. Dan dinglai ah chuan hna hmanhmawh bik ah chuan tender ko lovin hna pek theih tih a ni a, mahse CAG report chuan heng hna pek te hi engmah hman-hmawh bik (urgent work) a awm lo niin a tarlang.
CAG report chuan PHQ a DDO (Drawing & Disbursing Officer) chuan pawisa luanral (lapse) hlauh vangin vaibelchhe 13.04 chu a lachhuak niin a tarlang bawk a, hei hi dan diklo leh phal bak chin pawisa kawl a ni, a ti a. DGP, IGP, District SP, Commandant, PTC Principal te leh Forensic Science Laboratory te chuan phal bak aia sang stationery bungrua an lei bakah lirthei enkawl nan phal bak sum an hmang niin a sawi bawk.
CAG report chuan Mizoram Police chu ralthuam an nei tlem hle niin a tarlang bawk a. Training lam pawh an tlachham tih sawiin Police force ah hmeichhia an tlem tih a sawi bawk a, hetih lai hian national average ngaihtuahin sual (crime rate) ah Mizoram chu a hniam hle niin a tarlang thung.
Share now
Latest News
-
MSU-in pension kum 60 atanga kum 62 a tihsan tum dodal tum
2m | Feb 03, 2023 -
Pathian leh mipui zarah kan sawrkar leh ngei kan beisei - MNF President
2m | Feb 03, 2023 -
-
-
MNF sawrkarna hnuaiah Krismas kan hmang tawh dawn lo - Lalsawta
2m | Feb 03, 2023 -
JAIL A TAWT : DAMCHHUNG JAIL TANG TUR MI 48
1m | Feb 03, 2023