DOWNLOAD OUR APP

Read latest news on your phone
app-store

Police-in hel 4, Hel-in police 33; Inkah hmain inbiakna a awm ngei

Apr 18, 2015

Police-in hel 4, Hel-in police 33; Inkah hmain inbiakna a awm ngei

Aizawl: Mizoram police leh sipai te chuan 1997-2015 atangin hel anga ngaih mi 277 an man tawh a, hetih lai hian police leh MAP te chuan 1986-2015 inkarah hel 41 an kaphlum tawh bawk a. 1996-2015 inkarah Mizoram Police leh MAP 33 te chu hel kahhlum an ni. Police leh MAP thattu te chu HPC(D), BNLF, CNA, PLA leh Naxalite Chattisgarh pawlte an ni. Police te hian inkah mai an duh lo hle a, inkah chu phalna awm a nih loh chuan emaw duhthlan tur a awm tawh loh tawpah chauh niin kan thudawnna rintlak tak chuan ZALEN palai a hrilh. Mi man zingah BNLF tam berin 42 an ni a, ZRA 30, CNC 28, BRU leh a kaihhnawih 34, HNLC 11 an man a. Mi 16 chu HPC (D) an ni. Hel pawl te chu police leh sipai te’n an kap ngawt thei loa, India khua leh tui an nih chuan man tum phawt tur a ni a, kah pawhin man awlsam nan ke-ah te a ni a, kahhlum ni ta se dan angin insawifiah zek a ngai a, a chhan leh a avang a that tawk loh phei chuan police lam chuan an tuar thei a ni,’ tiin ZALEN? thudawnna chuan a sawi. Nikum tir lam khan HPC (D) an mu lai thawngin police te’n an man tawh a ni. An hotute pawh man niin bail a chuah leh an ni a. April ni 15, 2015 a man Army Chief Ropuia pawh man vawi 2-na a ni tawh bawk. Lambun hmain inbiakna HPC (D) hotu Sangbera chuan nikum tawp lam khan inbiak a duh thu Sakawdai VC te kaltlangin a sawi. Politic zawnga tih hleih theih a ni lo a, Sawrkar chuan aiawh tirin March ni 19 khan Silchar-ah HPC(D) hotu Zosangbera chu biak a ni a. Hemi hnu March 28 khan inlambunna a thleng ta tho niin thudawnna chuan a sawi.
Share now