February 12, 2024; Mizoram police in $ex live video phochhuah chungchangah mi pathum an man tawh a, social media hman dan a fimkhur turin mipui an chah nawn.

Police in vawiin a thuchhuah an siam a an tarlan danin, 8.2.2024 khan Mizo sex video thenkhat chu social media ah nasa takin a darh tih hriat a ni a, Cyber Crime Police Station chuan he thil hi chhui zui nghalin, heng video te hi Instagram user pakhatin man chawia video en theihna app ah Instagram user dang pakhat account hmangin live in a phochhuak tih hriat a ni.

Hemi chungchang hi rang leh uluk taka chhui nghal niin, darkar 24 chhungin he thila inhnamhnawihte chu hriatchhuah an ni a, a video a lang hmeichhe pakhat leh video app neitu hmeichhe dang pakhat chu 10.2.2024 ah man nghal an ni a, he thil a inhnamhnawih ngei nia hriat mipa pakhat pawh hemi ni vek chawhnu ah man leh a ni.

Mizoram police chuan mipuite social media hman danah fimkhur hle turin an chah nawn leh a, social media a dan bawhchhiate chungah dan hmangin hmalak zel a ni dawn tih an tarlang bawk.