Aizawl: Mizoram Police te chuan Thanchhingi & Sons dawr atanga mobile phone bo 12 zinga 11 an hmuh let sak.

Dawrpui venga mobile zawrhna dawr neitu Thanchhingi & Sons te hian an dawr atangin mi tu tih hriat loh chuan mobile phone 12- iPhone 14, iPhone 13, Oneplus 12R, Oneplus Nord CE3, Oneplus Nord CE4, Redmi 13C, POCO M6 (pahnih), POCO X5 Pro leh mobile thil kaihhnawih Smartwatch AWS8, iPhone Cable, iPhone earphone bakah iPhone Adapter te chu an ruksak tih an report a, an thil bo hlutzawng hi Rs.4,56,100/- hu a ni.

Police ten hma la nghalin an dawra hnathawk zinga mi PB Lalbiakdika (19) s/o Lalbiakmuana of Chhinga Veng, Aizawl chu manin thu an zawtfiah a, a tih ngei a ni tih an inpuang a ni.

PB Lalbiakdika sawi danin March 2024 khan mobile phone 12 te hi ru chhuakin mi hrang hrang hnenah a hralh a, heng a hralh zinga 11 hi hmuh let a niin 1 dang erawh Churachandpur lam mi hnenah a hralh nia hriat a ni.