ZALEN Sept. 6, 2024; Vawiin chawhma dar 10 khan Lunglei police station-a cyber cell te hmalaknaa mobile phone bo leh ruk zawnchhuah hna ngawrh taka chhui hnua hmuh let leh Rs. 4,58,500/- man hu mobile phone 17-te chu a neitu dik takte hnena hlan letna hun hman a ni.

He hun hi Zarzokima MPS, SDPO Lunglei leh PC. Lalchuangliana OC Lunglei-ten hmanpuiin; police officer-te leh mobile phone neitute an tel a ni. Zarzokima MPS,SDPO Lunglei chuan Lunglei police station-a cyber cell-te thawhrimna avanga hetiang zat mobile phone bo hmuhlet leh a ni hi fak tlak an nih thu a sawi a. Mobile phone bo hi a ti botute tan uihawm tak a ni a, chuvangin Lunglei Police-te chuan te lua awm lovin, mobile phone tibo report awm tawh phawt chu a tam thei ang ber theihtawpin chhuichhuah sak zel an tum a ni, a ti.

Lunglei police te hian mobile phone bo leh rukte hi technology hmanga chhuiin vawiin ni thlengin mi 71-te hnenah Rs.18,86,000/- man hu mobile phone an lo hmuhlet sak tawh a, a neitute hnenah hlan let vek an ni tawh a; hemi kaihhnawiha diklo taka lo leitute pawh case siamsak an ni bawk.