ZALEN Sept. 25, 2025 ; Lunglei Dist BJP President R. Lalbiaktluangi chuan BCM enkawl, Arunachal Pradesh Roing-a Mt.Carmel Sikul-a buaina chhuak chungchangah Warden Lalnunpuia Lunglei Zotlang, police custody a awm mek chu theihtawp chhuah a chhhanchhuah an tum tih a sawi a, kohhran zai ngai takin hma an la mek a ti.

He thu hi nimin khan Lunglei Press Club-a thuthar lakhawmtu te hmaah puangin R. Lalbiaktluangi chuan Mt. Carmel School-ah hian kumin July ni 9 khan misual pakhat School Hostel-ah lut in hmeichhe zirlai a khuaikhem ni a hriat a ni a, police te pawhin he pa hi an man a, mahse zirlai nu leh pa, khawtual miten police station luhchilh in hepa hi an hnukchhuak a, an sawisa hlum a ni. 

Hetiang anih avang hian missionary, Lalnunpuia, hostel warden chu police ten man ve lehin POCSO Case in thubuai an ziak lut ta daih a, karleh Thawhtanni ni 29 khian chargesheet an siam tawh mai dawn ni a hriat a ni a, chuvang chuan missionary chhanchhuak tur hian hma an la tih a sawi.

Dist BJP President chuan he buaina chungchangah hian Mizoram a Kohhran member thenkhat ten BJP leh RSS thil tih angah te puhin Kohhran zing tawngtai inkhawmah te thawh in BJP dem zawng in awka an chhuah a, hei hi thudiklo a ni a ti a. Tunah hian party anga an inrawlhna chhan chu Mizo Missionary in harsatna a tawk a, National Party an nih avangin leh Arunachal Preadesh-ah pawh an party sawrkarna anih vang te leh central-ah an sawrkar lai anih vanga thahnemngaihna a hmala an ni tih a sawi a, Mizo te leh Christian te thlavang hauh a ngaihnaah emaw tih theih ve an nei a nih chuan theihtawp a hmalak ve zel chu an tum a ni a ti.