ZALEN September 22, 2025: Police leh Assam Rifles te chuan dan lova lakluh silai leh a mu engemawzat kawl an awm tih thu an dawn hnuah September 21, 2025 khan Zokhawthar, Champhai District-ah hma an la a ralthuam thahnem tak an man.

Operation an neih hian an rinhlelh In pakhat chu hualin team te hian In hi an dap a, 5.56 mm M4A1 Carbine leh magazine, Red Dot Sight, 19 5.56 mm NATO rounds, 100 7.62 rounds. te chu an hmuchhuak a, hemi kaihhnawih-ah hian Robert Vanlalliana chu an man bawk.

Silai leh a mu bakah ralthuam an man dang leh an mi rinhlelh hi Police Department, Zokhawthar chuan hmalak chhunzawm a nih theih nan an kutken nghal a ni.