February 24,2023; Mizoram police hnuaiah post ruak 4,207 a awm mek a, kum 2023-24 chhunga hnawhkhah tumna awm mahse, sawrkar sum harsatna avangin tih theih a ni rih lo. Hetihlai hian kum 2020 atanga kumin January thlengin police transfer TA pek loh (ba) awm zat chu Rs. 4,40,19,018 a tling.

Assembly Budget Session neih mek a Aizawl North II bialtu MLA Dr. Vanlalthlana zawhna home minister Lalchamliana'n ziaka a chhan danin, home department huaiah police te hman tur lirthei chi hrang hrang 745 a awm a, chung zinga 83 hman theih loh in a awm.

Kum 2020 atanga January 2023 thlengin police officer transfer TA pek tawh Rs. 85,44,100 awmin, officer hnuai lam Rs. 38,47,71,549 pek tawh a awm bawk.

Hetihlai hian police officer transfer TA la pek loh Rs. 21,67,629 awmin, officer hnuai lam pek loh Rs. 4,18,51,389 a awm. TA pek loh zawng zawng hi Rs. 4,40,19,018

Home miniser in a tarlan danin, Assam nena kan ramri hrula police duty ten an riahna atan puan in (tent) pangngai leh tha tak a tulna hmun zawng zawngah pek vek an ni.