Aizawl; Zirtawpni kalta tlai dar 6 vel khan Lalhlimpuia (27) s/o R Zonuntluanga, Bawngkawn Chhim Veng chu Bawngkawn Police Station chhawng 5-na atanga zuangthlain a hnuaia Bawngkawn Bazar Building thar Slab-ah a tla thla a, Greenwood Hospital panpui nghal a ni a, zan dar 9 velah a thi a, nimin khan vui liam a ni. Bawngkawn Police-te sawi dan chuan, Lalhlimpuia te hi khawlaiah an insual buai a, ani hian zu a lo ah bawk si avangin Police ten Thana-ah an hruai lut a, power supply a awm loh vangin Mobile Phone ti eng chawpa Police Constable pakhatin thil pawimawh a ziahluh laiin Lalhlimpuia hi a lo kal sawn a, Police te hian an zawn hnu-ah Bawngkawn PS Building hnuai sang takah a a tla tih an zuk hmu zui nghal a ni. Lalhlimpuia zuanthlakna hi a sang hle a, a taksa pawh a sawhchhe nual nia thudawn a ni a, Venranda atanga chhuah a tumna lamah a tlasual palh niin an ring.