ZALEN Nov 26. 2024; Mizoram police ten sikret bawm a dah Rs. Vbc. 2 chuang hu an man a, hei hi Mizorama ṭum khat a heroin man tam ber nia hriat a ni.

Tukin (26.11.2024) dar 1 khan Mizoram Police CID Special Branch team-te chuan lirthei pahnih, pakhat zawk Tlangsam Champhai (via Kelkang, Biate, Keitum) atanga lo kal Bolero, B/R MZ-04/A-9872 leh Aizawla lo hmuaktu Pickup, B/R MZ-06-6021 atangin Heroin ni ngeia hriat Kg 8.058 (Hawng 664), local market-a Rs 2,41,74,000/- man hu chu Cheuva Tlang, Thuampui, Aizawlah an man. Heng mite hi man nghal an ni bawk:-

1. Lalrohnuna Fanai (33) s/o ST. Kapa, Tlangsam, Champhai

2. Tlanghmingthangi (43) d/o Hrangkianlova, Tlangsam Vengthlang, Champhai

3. Lalmuanzuala (24) s/o H. Bulliana (L), Tlangsam, Champhai.

Heng ruihhlo hi ‘V’ sikret bawm 984 leh ‘Win’ sikret bawm 955 karah thuhruk a ni. Ruihhlo tawlh rutu mi pathumte bakah hian a chunga tarlan lirthei pahnih leh mobile phone pali man a ni a, Special Narcotic Police Station-ah thubuai ziah luh a ni. Hei hi Mizorama tum khata Heroin man hnem ber record ni a hriat a ni.