DOWNLOAD OUR APP

Read latest news on your phone
app-store
Political party ten MPF thawhhona thuthlung siam pawm
Jan 24, 2023

Aizawl January 24, 2023; Vawiin khan Synod Committee Room No.1 ah MPF kaihhruainain MPF leh Political Party te inthlan chungchanga thawhhona thuthlung sawiho a ni a, rawtna chungchang sawiho hi party tin te an pawm, rawtna hran nei duh tan January 2023 chhungin thlen theh a ni bawk. 

Sawihona hi MPF General Hqrs. President Rev Dr Vanlalnghaka Ralte chuan a kaihruai a, thawhhona thuthlung chungchanga rawtna hi an sawiho a nih hnuah a tlangpuiin an pawm. Hemi baka rawtna nei duh Political Party ten January, 2023 chhungin MPF ah rawtna thlen nise an ti a, a tul a nih chuan meeting neih leh nise an ti bawk. Meeting nei leh kher lova rawtna lo lut te siam rem theih a nih chuan inhmuhkhawm leh ngai tawh lovin Party te hian thawhhona thuthlung hi ziah mai nise tiin thutlukna an siam a, MPF-in political party te pffice-ah kal chilin President theuh te hming ziahtir turin thutlukna siam a ni.

He hunah hian Political Party hrang hrang - BJP, MPCC, MNF, PC, ZPM aiawh mi 2 theuh an tel a; MPF Governing Board member 18 an tel bawk. 

Inthlan chungchanga thawhhona thuthlung bakah hian MPF ah Kohhran pawl dang la tello te an tel ve ngei theihnan tan MPF in chak takin hma la se an ti bawk.

MPF President Rev Dr Vanlalnghaka Ralte chuan, MPF leh political party ten thawhhona thuthlung an buatsaih chu hming ziah hnan ngei a nih dawn avangin a hlawhtlin theihnan theihtawp chhuah tlang turin a chah. November 29, 2022 khan Central YMA Committee Room-ah inthlan chungchanga thawhhona thuthlung hi an lo sawiho tawh bawk a ni.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh