Aizawl; Mizoram Poor Federation chuan Mizoram leh hnam a him theihnan Tribal area a let leh a ngai tih an sawi. Nimin an office a thuthar lakhawmtute an kawm naah MPF hruaitute chuan Licensing Regulations duhloh avanga tunhnaia mi thenkhat ten AMC pisa kai tur an dang ngawt chu 'a lerah kan thuai mai chauh a ni' an ti a. Licensing Regulation chungchanga Tribal Certificate demand thei tur chuan Mizoram chu Schedule/ Tribal area a nih a ngai nia sawiin general area ni chunga Tribal Certificate demand chu India danpui Article 19-na kalh niin an sawi bawk. MPF chuan Mizoram UT anih khan Lai, Mara leh Chakma District Council tihloh Mizoram hmundang zawng chu tribal area a ni tawhlo nia sawiin Central ngaihhnathiamna avangin chauhin Mizo mipuite chuan Tribal te hamthatna an la chang thei niin an sawi bawk.