Aizawl November 1, 2023 : Mizoram Legislative Assembly 2023 inthlanpui a polling day (vote thlak ni) a duty tur Polling Official te chuan postal ballot hmangin vote an thlak a. Postal Ballot hmanga vote tla tawh zat chu 1242 a ni.

Vawiin khan hmun pali - Govt. Mizo H/S Indoor Stadium, ATI Auditorium, MINECO, I&PR Auditorium, Treasury Square, SCERT Hall Chaltlang leh PUC Academic Block-V ten training an neih zawh ah vote an thlak.

Police Personnel duty tur te chuan October ni 30 leh 31, 2023 khan Govt. Mizo H/S Indoor Stadium ah vote an lo thlak tawh a. Naktuk hian DC office a Postal Facilitation Centre chu election duty tur postal ballot kaltlanga vote thlak tur te tan hawn a ni ang.

October ni 30 (Thawhtanni) atang khan kum 80 chunglam leh Persons with Disabilities te - Absentee Voters Person with Disability (AVPD) leh Absentee Voters Senior Citizens (AVSC) tan vote an thlak theihna tura ruahmanna chu kalpui a ni tawh a, team hrang hrang te’n an inah kal chilhin vote an thlak hlawm bawk. hriat theih chinah Postal Ballot hmanga nimin thlenga Aizawl district a vote tla tawh zat chu 1242 a ni.