Aizawl: R-APDRP kawlphetha hloh 'Aggregate Technical and Commercial loss(AT&C)' za zela 15% a tihniam turin 'Restuctured Accelarated Power Development & Reforms Programme' khaw 9 ah tih mek a ni Power and Electricity Department hotute hnen atanga thudawn danin kawlphetha lak leh pekchhuah tihchang tlun hna hi kum 2001 chhiarpuia chhuta mi 10000 chenna china kalpui a ni a, tun dinhmunah Aizawl, Lunglei, Saiha, Champhai, Kolasib, Serchhip, Lawngtlai, Khawzawl leh Saitual ah te kalpui a ni. He Programme hi part 2 a then niin part A atan hian vaibelchhe 32.12 hnuaiah ah heng khua a kawlphetha bill siam, bill pekluh leh kawlphetha chhut (energy accounting) chu Computer hmanga tih vek tawh tura tih a ni. Part 'B' atan hian cheng vaibelchhe 240.41 hmangin 33 kV line sub station 6 tihchangtlun, 33KV line siamthat, 33KV lian thar bun leh Sub-station thar siam te a tel a, heng bakah hian 11 KV line kaihhnawih Distribution Transformer thar bun te, Distribution Transformer hlui thawmthat te, 11 KV line siamthat leh kawlphetha hrui (Low tension) line thawm that bakah kawlphetha hrui (Aerial Bunch cable) siam te a tel a ni. Tun dinhmun ah he programme hnuaia tel Consumer te inna Meter chu LCD type a thlak theih chin chin thlak tura tih anih angin Aizawl khawpui atan bik chuan Electronic LCD hi meter hi 15,000 chah thlen ani tawh a ni.