Aizawl: Power & Electricity Department chuan kum 2018-19 chhunga eng chhit man chu kum hmasa lam aia 5.90%-a sang turin a rawt. Power & Electricity Department-in rawtna an siamah chuan êng chhit man hi chawhrualin kum hmasa aia Re. 0.26-a san an rawt a. Tuna eng chhit man hman mek hi unit khat Rs. 4.61 a ni a, Power & Electricity Department rawtna anga tihsan anih chuan mipui ten unit khat Rs. 4.87-in an lei tawh dawn a ni. Power hman man bithliah chungchanga thuneitu sang Joint Electricity Regulatory Commission for Manipur & Mizoram chuan P&E Department rawtna hi a zir chiang mek a. Rawtna hi sawisel duh tan hun a hawng mek a, hriat theih chinah sawiselna thlen an la awm lo. Public hearing hi ni 23.2.2018 (Zirtawpni) hian Power & Electricity Department Conference Hall, New Secretariat Complex-ah an nei dawn a ni.