Aizawl October 2, 2022 : Nimin khan Lalmalsawma Pachuau, IRS, Secretary, Planning and Programme Implementation leh State Prabhari Officer, Aspirational District Programme ni bawk chuan Bawngva, Darlak leh Nalzawl khua te a tlawh. Prabhari Officer chuan hmasawnna hna te mipui te'n vil zui a, monitor that a pawimawh thu sawiin, thil felhlel a awm a nih pawhin thuneitu sang zawk te hnenah thlen zel turin a chah.

State Prabhari Officer hian Bawngva khua-a Community Hall sak mek tlawhin Darlak khua-a Health Sub-Centre leh Anganwadi Centre - II te a tlawh nghal bawk. Lalmalsawma Pachuau hian Nalzawl Oil Palm Compact Area tlawhin, VC Hall-ah VCP Ramtinchawma kaihhruaina-in inkawmhona neih a ni a, Prabhari Officer chuan hmasawnna hna te mipui te'n vil zui a, monitor that a pawimawh thu sawiin, thil felhlel a awm a nih pawhin thuneitu sang zawk te hnenah thlen zel turin a chah.

Prabhari Officer hian JNV Permanent Campus, Mamit tlawhin building sak mek chu an sakna a rei tawh ngaihtuahin tun thlenga sak zawh a la ni lo chu pawi a tih thu a sawi a, chak thei ang bera sa a, a sak zawh hun tura ruahman June 2023-ah chuan sa zo hman ngei turin a enkawltu MAMCO hotute a hrilh a. JNV hi sak zawh anih chuan Aspirational District Programme hnuaia Education Sector-ah kan san theih dawn avangin tan la turin a chah bawk.