2017 kuma Liverpool a zawm hnu khan, Mohamed Salah hi club tan player pawimawh a ni nghal a, goal 100 chuang thun tawhin Reds-in European Cup vawi 6 leh league title vawi 19 an chawi theih nana player thawhhlawk tak a ni.

Premier League-a Mohamed Salah record siam 10 te chu:

1. Salah hian kum 2017-2018 khan league goal 32 zet a thun a, Cristiano Ronaldo-a'n Premier League season khat (game 38) chhunga goal thun tam ber record a chelh mek chu a khum.  

2. Kum 2017-18 season-a league game 38 a khelh zingah Egypt international hian a zawnin game 24-ah goal a thun vek thei a, Premier League season khata hetianga goal thun thei awmchhun a ni. 

3. Kum 2017-18 season-a goal 32 a thun tum hian, Premier League team mawngphah pathum te goal thun aiin a goal thun hi a tam zawk a, season khat chhungin hetiang tithei player hmasa ber a ni.  

4. Salah hian kum 2017-2018 season khan Premier League-ah goal 25 zet chu a ke vei lam hmangin a thun a, Premier League history-ah amah anga tam ke vei lam hmanga goal thun thei an la awm ngai lo.

5. Liverpool tana jersey No.11 hatu Salah hian, kum 2017-2018 season khan tum thum zet Premier League Player of the Month award a dawng a, season khat chhungin hetiang zat award dawng thei hi player dang an la awm ngai lo.

6. March 2019 atanga February 2020 thleng khan game 33-ah chakloh nei lovin a kal tluang a, Premier League record a siam. 

7. August 2021-a Norwich City laka goal a khung khan, kum nga chhung a zawna Premier League season-a match hmasa bera goal khung vek thei awmchhun a ni. 

8. October 2021 khan, Manchester United khelmual Old Trafford-a club dang player Premier League hat-trick siam thei hmasa ber a ni. 

9. United lamah April 2022 khan, Anfield-ah goal hnih a thun belh a, United mualah hat-trick alo siam tawh nen goal nga a nei a, Premier League season khat chhunga goal nga thun thei player  awmchhun a nih phah.

10. Salah hi African player zinga Premier League history-a goal khung tam thei ber a ni a, Chelsea legend Didier Drogba a khum a ni.