"Nitin mai hian manager pakhatin a hna a hloh emaw an hna chan mai hlauhawmah an ding reng thin a, hengte vang hian nghehna leh dawhtheihna tlakchham a awlsam hle niin ka hria." tiin Leicester manager Brendan Rodgers-a chu Premier League manager zawng zawng te thlavang hauh zawngin a tawng chhuak. He thu hi Aston Villa-in tun season-a an boss ban palina turin Steven Gerrard chu  an ban hnu lawkah a sawi a ni. 

August thla khan Bournemouth atangin Scott Parker ban a ni a, a hnu deuhah Chelsea-in Thomas Tuchel an ban leh a, Wolves atangin Bruno Lage a chhuak leh bawk.

 2022-23 Premier League season chu quarter khat bawr chauh an la hmang tihin manager ban an awm nual tawh avangin BBC Sport chuan Premier League manager ten club an enkawl rei zawng  tehna an siam ta a ni. 
Premier League boss tan hun chhung chu engtia rei nge?

Tun thlengin manager pali ban an nih tawh bakah Rodgers, Leeds boss Jesse Marsch leh Southampton-a Ralph Hasenhuttl te chu engtik lai pawha ban mai theihin an awm mek a ni. 

Tun hnai hian top flight manager te hi an tang rei lo thei hle a, a tlangpuiin kum hnih leh ni li vel manager hna thawk ang an ni a, kum 2012 te kha chuan manager tan rei zawng hi kum li dawn lai a ni thin. Gerrard hi Villa Park-ah thla 11 leh ni 9 chiah a cham hman. 

Tun hnaia Premier League-a team hlawhtling ber pahnih, Manchester City leh Liverpool te chu English top flight-a  manager kawl rei thei ber an ni rih.

Liverpool boss Jurgen Klopp leh Manchester City tan Pep Guardiola te hian kum 13 leh ni 125 chhung hun an hmang dun tawh a, an ni pahnih hi awm lo ngat seng chuan Premier League manager pakhat tan rei zawng hi kum khat leh ni 169 chiah a ni ang. 

Tin, Graham Potter hian kum thum chhung zet Brighton-ah hna a thawk tawh a, London chhim lamah chuan an lo inthlak nual hman tawh. 
    Manager pakhatin Premier League team enkawl hna a thawh hun chhung chu kum hnih leh ni li a nih laiin a tlem hle niin a lang a, English football kal dan kan thlir chuan tun ai pawh hian a la tlem zawk thei bawk. 

Villa chhiar tel lovin League club 91 zingah manager te hun hman chhung chu kum khat leh ni 172 a ni. 

League Managers Association chhinchhiah danin, kum hnih kalta chhung khan an manager tan hun chhung chu a rei chho hret a, tun hnaiah ban an tam chho leh hret a ni.

League Managers Association te chuan tun season chhunga division pali zawng zawnga manager ban tak te hun hman rei zawng chu thla 11 a nih thu an sawi a, chu chu Gerrard-a'n Villa lama a hun hman rei zawng ang chiah a ni. Tin, June 2022 tir aṭang khan manager ban 19 leh mahni duh thu a bang 10 a awm tawh bawk a ni.

Gerrard chuan, "Aston Villa Football Club nena inzawmna kan neih avangin ka lawm a, hemi chhunga ka thawhpui zawng zawngte chungah lawmthu ka sawi duh a, Villa ka cham chhunga min thlawpna min hmuhtir avangin ka lawm a ni. Board of directors, player te leh staff zawng zawngte chungah lawmthu ka sawi tak meuh meuh a ni.

"Beisei anga ka hlawhtlinpui theih loh chu vangin fans te chungah thupha ka chawi duh a, pawi ka ti hle a ni. Mahse in club-a min lo lawmluh dan leh min hmuah danah in hnenah bat ka nei a, hun harsa tak karah pawh team in nawr kal thin a, chhunzawm zel turin ka duh che u a ni," a ti.

 "Aston Villa hi history bik nei club a ni a, chutiang hlawhtlinna ropui leh hriatreng tlak tak takte chu rawn nei leh leh turin ka duh tak zet a, mahse vanduaithlak takin ka ho chuan chutiang chu kan ti thei dawn ta lo a ni. Club mi leh sa zawng zawng te in kal zelna turah duhsakna ka hlan che u a ni,” a ti. 
‘Hna danglam tak’ - manager-te’n engtin nge an ngaih?

Rodgers chuan Gerrard chu a lungawi loh thu a sawi a, Leicester manager hian kum thum chhung Anfield-a a enkawl lai khan Gerrard hi Liverpool captain a ni thin.

Rodgers chuan, "Rangers-ah hna ropui tak a thawk a, Villa-a a thil tumte hi Europe tan chuan a harsa dawn niin ka hria," a ti.

 "Chutiang taka i tih that loh chuan sawiseltu i nei dawn tih ka hre chiang hle a mah se a pawimawh ber chu i thunun theih a ni bik bawk si lo’” a ti.  

Liverpool boss Klopp chuan, "Steven Gerrard hi a rawn kir leh ngei ka ring tlat a ni. Tukin khan in biakna hun reilo te kan nei a, thu tam kan sawi lo. A duhthusam ram leh a thil duhte Aston Villa tana a ti hman lo hi pawi ka tihpui takzet a ni,” a ti. 

Newcastle manager Eddie Howe chuan, "Manager tha tak niin ka hria. A thil tawn hian mi zawng zawng ngaihtuahna leh chhân lêt dân chu hun rei lote chhûng a nihzia a tilang niin ka hria. Hna harsa tak kan thawk a, a chang chuan hna pawh a danglam thin hle a, hun rei lote chhungin ngaihdan leh chhanna tam tak kan dawng thin a ni," tiin a sawi. 

Southampton boss Ralph Hasenhuttl chuan, "Manager-in a hna a chan chuan a pawi hle a, mahse club neituin dinhmun ṭha zawk a neih theih nan a tih a ngai nia a hriat tlat chuan an ban mai tur a ni, Dean Smith-a an tih ang khachuan a ti lo, hna thawk tha lutuk," a ti.a harsat zia a hriat thu a sawi.

Premier League-a manager te tan rei dan chu:
    Team                      Manager                   Zawm kum         Tan rei zawng
    Liverpool            Jurgen Klopp               08/10/2015        7 years 013 days
    Manchester City    Pep Guardiola            01/07/2016        6 years 112 days
    Brentford             Thomas Frank            16/10/2018    4 years 005 days
    Southampton    Ralph Hasenhuttl            06/12/2018    3 years 319 days
    Leicester        Brendan Rodgers              27/02/2019    3 years 236 days
    Arsenal        Mikel Arteta                22/12/2019    2 years 303 days
    West Ham    David Moyes               29/12/2019    2 years 296 days
    Fulham        Marco Silva                     01/07/2021    1 year 112 days
    Crystal Palace    Patrick Vieira             04/07/2021    1 year 109 days
    Nottingham Forest    Steve Cooper    21/09/2021    1 year 030 days
    Tottenham Hotspur    Antonio Conte    02/11/2021    0 years 353 days
    Newcastle    Eddie Howe                         08/11/2021    0 years 347 days
    Everton        Frank Lampard                    31/01/2022    0 years 263 days
    Leeds        Jesse Marsch                        28/02/2022    0 years 235 days
    Manchester United    Erik ten Hag          01/06/2022    0 years 142 days
    Bournemouth    Gary O'Neil                     30/08/2022    0 years 052 days
    Chelsea        Graham Potter                08/09/2022    0 years 043 days
    Brighton        Roberto de Zerbi                   20/09/2022    0 years 031 days
    Wolves        Steve Davis                    03/10/2022    0 years 018 days
    Aston Villa    -        -        -