ZALEN Jan 12, 2026: Mizoram-a Kohhran hrang hrang zingah Presbyterian Church of India (PCI) chuan member an ngah ber.

Tunhnaia Economics & Statistics Department in a tihchhuah Statistical Handbook Mizoram a tarlan a nih danin, kum 2023-2024 report ang chuan Presbyterian Church of India hian member 6,39,289 neiin Biak In 1,169 an nei a. Presbyterian dawttu, Baptist Church of Mizoram (BCM) chuan member 1,79,280 neiin Biak In 679 an nei bawk a, pathumna UPC (NEI)-in member 89,733 neiin Biak In 627 an nei bawk.

UPC (NEI) dawtah hian

UPC (Mizoram) awmin, member 75,839 an awm a, Biak In 603 an nei. Salvation Army chuan member 64,468 neiin Biak In 287 an nei.

Evangelical Church of Maraland (ECM)-in member 52,303 neiin Biak In 112 an nei a, Roman Catholic-in member 30,806 neiin Biak In 174 leh Seventh Day Adventist-in member 20,389 neiin Biak In 307 an nei bawk.

Lairam Isua Krista Baptist Kohhran (LIKBK) ah member 37,456 awmin, Biak In 120 an nei a, Isua Krista Kohhran (IKK) ah member 11,439 awmin, Biak In 89 an nei.