India President lakluh thar Droupadi Murmu leh Prime Minister Narendra Modi te chu vawiin khan an inkawm a, ram hmasawnna tur thil pawimawh hrang hrang an sawi dun. President leh PM te hi Rashtrapati Bhavan-ah an inkawm tih Rashtrapati Bhavan chuan an tarlang a ni. 

Tribal zinga India rama thuneihna sang ber chelh thei hmasa ber Droupadi Murmu hi July 25, 2022 khan India President 15-na atan rinawmna thu tiam tira lakluh a ni a, vawiin atang khan office a luah tan a ni. Office a luah hnua a hmasa ber atan Prime Minister Narendra Modi nen an inkawm a, an thusawite hi puanzar a ni lo thung.     

Jharkhand Governor hlui Murmu hi Tribal a nih avangin mipuiin an ngaihven hle a, a chanchin ngaihnawm tak tak an tarlang nasa hle. Politics a luhchilh hma chuan zirtirtu hna a thawk thin a, a pasal bakah a fate pahnih a sun tawh nghe nghe a ni.